ដល់ពេលប្រលងបាក់ឌុបហើយ!
សម័យប្រលងទុតិយភូមិ(បាក់ឌុប)ឆ្នាំ
២០០៥នឹងចាប់ផ្តើមនៅថ្ងៃច័ន្ទទី៨
សបា្តហ៍ក្រោយនេះហើយ។ នេះគឺជា
ឱកាសមាសសំរាប់សិស្សានុសិស្សថ្នាក់
ទី១២ទាំងអស់ដែលតែងស្រមៃចង់បន្ត
ការសិក្សានៅថ្នាក់មហាវិទ្យាល័យឬបន្តមុខជំនាញណាមួយ។
សិស្សានុសិស្សដែលរៀននៅរាជធានីភ្នំពេញឬក្នុងទីរួមខេត្តអាចសមនឹងបរិយាកាស
ឬបរិដ្ឋាននៃការប្រលងប៉ុនែ្តចំនែកសិស្សានុសិស្សដែលធ្វើដំណើរមកពីសុ្រកឆ្ងាយៗហើយខ្លះក៏ពុំដែលស្គាល់ទីរួមខេត្តផងនោះតែងមានការលំបាកនិងសម្ពាធខ្លាំងពីបរិ
យាកាសថ្មី។
ក្នុងសម័យប្រលងឌីប្លូមថ្មីៗនេះក្រសួងអប់រំបានសំរេចបន្ទាបកំរិតពិន្ទុដើម្បីបានចំនួន
សិស្សប្រលងជាប់ច្រើននិងសង្ឃឹមថាអាចជួយកាត់បន្ថយអត្រាឈប់ពីការសិក្សា។
តែសំរាប់សម័យប្រលងបាក់ឌុបនេះពុំទាន់មានពត៌មានអ្វីនៅឡើយ។
ការបោះក្រដាសចំលើយក៏នឹងកើតមានដែរនៅពេលប្រលងម្តងៗ។សំរាប់អ្នកខ្លះ
ទៀតប្រហែលជាមានការត្រៀមរៀបចំច្រើនជាងនេះទៀតផង។យើងអាចរង់ចាំមើលថាតើហាងឆេងនឹងឡើងដល់ប៉ុន្មានសំរាប់ឆ្នាំនេះ។តែសំរាប់អ្នកខិតខំរៀនសូត្រគឺ
នៅតែមានសង្ឃឹមជានិច្ច។
នៅក្នុងឆ្នាំ១៩៩៧ ខ្ញុំប្រលងបាក់ឌុបក្នុងមណ្ឌលវិទ្យាល័យព្រះសីហនុខេត្តកំពង់ចាមខ្ញុំបានស្នាក់នៅផ្ទះសាច់ញាតិរបស់មិត្តរួមថ្នាក់ប្រហែលមួយសបា្តហ៍ដែរ។
To view this blog, please install Khmer Unicode from www.khmeros.info.
posted by Lux @ 9:03 AM
53 comments
